မအူပင်မြို့နယ်အပါအဝင် ဧရာဝတီတိုင်းဒေသကြီးအတွင်းမှ လယ်ယာမြေများမတရားသိမ်းဆည်းခံရသူ တောင်သူများက ဩဂုတ်လ (၃၀)ရက်နေ့ စနေနေ့ နံနက် ၁၀.၀၀အနာရီအချိန်က မအူပင်ခရိုင် မအူပင်မြို့၌ ဆန္ဒထုတ်ဖော်ကြသည် ။
နံနက် ၉.၀၀နာရီအချိန်က စုရပ်နေရာ ရေလဲလမ်း လမ်းဆုံတွင်နေရာယူကြပြီး ၁၀.၀၀နာရီအချိန်တွင် လူအင်အား ၄၀၀ကျော်ဖြင့် ရေလဲလမ်းအတိုင်း မြို့တွင်းသို့ စတင်လမ်းလျှောက်၍ ဟစ်ကြွေးသံများ ဟစ်ကြွေးကာ ဆန္ဒထုတ်ဖော်ကြသည် ။
ရေလဲလမ်းမှ တဆင့် မင်းလမ်း တောက်လျှောက် ထို့နောက် (၃)လမ်းသို့ ထောင်တက်၍ (၃)လမ်းမှ ကမ်းနားလမ်းသို့ ကွေ့ဝင်ကာ ကမ်းနားလမ်းတောက်လျှောက် လွတ်တော်ကိုယ်စားလှယ်ကြီးရုံးရှေ့ရောက်သည်အထိ ဆန္ဒထုတ်ဖော်ကြသည် ။
ကမ်းနားလမ်း တိုးရွှေဝါခန်းမအနီး လွတ်တော်ကိုယ်စားလှယ်ရုံးရှေ့၌ ရပ်နားကြစဉ် မအူပင်မြို့ပြည်သူ့လွှတ်တော်ကိုယ်စားလှယ် ဦးစိန်ဝင်းနှင့် တောင်သူလယ်သမားအကျိုးဆောင်ကွန်ရက်မှ ဦးဇော်ရမ်း ၊ ဦးကြည်လွင် ၊ ဦးအောင်မြင့်တို့က ဟောပြောမှုများ ပြုလုပ်ကာ နေ့လည် ၁၂.၀၀နာရီအချိန်တွင် အစီအစဉ်ပြီးဆုံးသည် ။
No comments:
Post a Comment