ကြိုးပြတ်သွားသော ပုလဲလုံးလေးများ

အဖြစ်အပျက်တွေဟာ စာထဲမှာ တဆက်တည်းရေးထားပေမယ့် အပြင်မှာ တကယ်ဖြစ်တဲ့အခါကျတော့ ပြတ်တောင်းပြတ်တောင်း အချိန်အပိုင်းအခြားတစ်ခုစီမှာ ဖြစ်တာပါ။ ဒါပေမယ့် အကြောင်းတရားအကျိုးတရားတွေက ဆက်စပ်နေတာမို့ ကာလယန္တရားကို ရစ်တုံကျော်တုံ ပြုလို့ အဆက်အစပ်မိအောင် ဆင်ရတယ်။ အစကတည်းက ဘာစာရွက်စာတမ်း အထောက်အထားမှ မထားပဲ မှတ်ဥာဏ်ထဲကဆွဲထုတ်နေတာမို့ ရောထွေးမှားယွင်းမှုတွေ ပါလာရင် စာဖတ်သူတွေဘက်က ထောက်ပြတဲ့အခါ ပိုပြီး ပြည့်စုံ ရုပ်လုံးကြွလာမယ် ထင်ပါရဲ့။ ကိုယ်မမြင်မသိလိုက်တဲ့ ဖြစ်ရပ်တွေလည်း ဒုနဲ့ဒေးဆိုတော့ အားလုံးပေါင်းမှ ပန်းဝေသီ ဖြစ်လိမ့်မယ် မဟုတ်လား။ ဘုန်းမော်သေဆုံးမှုဖြစ်တဲ့ ပထမဖြစ်ရပ်က မတ်လမှာဖြစ်ခဲ့တာ။ ကျောင်းတွေ ပိတ်ပြီး အကုန်အိမ်ပြန်ခိုင်းလိုက်တယ်။ အဲဒီလထဲမှာပဲ ပင်မတက္ကသိုလ်ထဲမှာလည်း တရားပွဲတွေ စခဲ့တယ်။ စာကြည့်တိုက်နဲ့ အပန်းဖြေရိပ်သာ အကြားက အဓိပတိလမ်းမပေါ်မှာ လူစုလာပြီး အပန်းဖြေဆောင် ခေါင်မိုးမျက်နှာစာလေးပေါ်မှာ တရားတက်ဟောတဲ့သူက ကျောင်းသားအရွယ်တော့ မဟုတ်ပါဘူး။ အသက်ကြီးကြီးနဲ့ ဟိုးတုန်းက ကြယ်ငါးလုံးအလံကလေးထူပြီး သူ့ကျောင်းသားဘ၀က နေ၀င်းအစိုးရ ရက်စက်ပုံကမ်းကုန်တဲ့အကြောင်းကို ဟောပါတယ်။ ကိုယ်မမှီလိုက်တဲ့ အဖြစ်အပျက်တွေမို့ မှတ်မှတ်ရရ စိတ်ဝင်တစား မရှိခဲ့သော်ငြား ဆန့်ကျင်စိတ်တူ၊ စာနာစိတ်တူတာမို့ အားလုံး လက်ခုပ်လက်ဝါးတီး ကောင်းချီးပေးခဲ့ကြပါတယ်။ သူ့နောက်လူတွေကဆို အမြီးအမောက်တောင် မတည့်ဘူး။ ဘာတွေပြောမှန်းလည်း မသိဘူး။ မူးနေသလား ကြောင်နေသလားမှတ်ရတယ်။

ဒါတွေက ကိုယ့်ဘ၀တစ်သက်တာမှာ ပထမဦးဆုံး ကြားဖူးတဲ့ အစိုးရဆန့်ကျင်ရေး တရားပွဲတွေ မဟုတ်လား။ ဟုတ်ဟုတ် မဟုတ်ဟုတ်၊ နေ၀င်းအစိုးရကို ဘာကြီးထင်တယ်။ ညာကြီးထင်တယ်ဆိုတဲ့ ဆဲသံဆိုသံတွေတောင် သောင်းသောင်းဖြဖြ အားပေးခံရတယ်။ တကယ်တမ်းသာ ၀ါဒပြင်းထန်တဲ့ ဗကပယူဂျီတွေ တက်လာတာဆိုရင် စကားလုံးအတွေးအခေါ် ဝေေ၀ဆာဆာနဲ့ ကျောင်းသားပရိသတ်ကို သူလိုရာ အပါခေါ်မှာ မလွဲဘူး။ အဲဒီတုန်းကတော့ ပွဲငတ်တဲ့ကာလ မျောက်ဖိုးစိန် မင်းသားလုပ် ကြည့်ရသလောက်ပဲ ရှိတယ်။ ဒါပေမယ့် ဇွန်လထဲမှာ ဒုတိယအကြိမ်ဖြစ်တော့ အဟောအပြောကောင်း၊ မျက်နှာ အ၀တ်မစည်းပဲ ရဲရဲရင့်ရင့် လူစိတ်ညွှတ်အောင် ဟောနိုင်ပြောနိုင်တဲ့သူ နှစ်ယောက်ထဲမှာ မိုးသီးဇွန် နဲ့ မင်းကိုနိုင် ပါလာတာပါ။ နံမယ်ရင်းတွေ မဟုတ်ပါဘူးတဲ့။ ဇွန်လရဲ့ မိုးစက်တွေကြားမှာ ကျောင်းသားတွေအတွက် မွေးဖွားလာသူမို့ မိုးသီးဇွန်ပါတဲ့။ တစ်ယောက်ကလည်း မင်းဆန်သူ အစိုးရကို နိုင်အောင်နှိမ်နှင်းမလို့ မင်းကိုနိုင်ပါတဲ့။ ကဗျာစာအုပ်တွေ ရောင်းကောင်းတဲ့ တက္ကသိုလ် အနုပညာအသင်းရှေ့မှာ သူတို့နံမယ်တွေက အဲဒါကြောင့် မှတ်မှတ်ရရ ရှိသွားပါတယ်။ တခြားသူတွေလည်း အများကြီးပါတာပေါ့။ ကိုယ့်ကျောင်းက မဟုတ်တော့ ဘယ်အကုန်သိပါ့မလဲ။

တံတားဖြူအရေးအခင်းကလည်း မတ်လထဲမှာပါပဲ။ အိမ်ပြန်မရောက်တဲ့ သူငယ်ချင်းနှစ်ယောက်အတွက် ကျောင်းအောက်မှာ ဒေါင်းတောက်အောင် ရှာခဲ့ရတယ်။ အဆောင်တကာ့အဆောင် စနည်းနာခဲ့ရတယ်။ ပြန်လာတော့ တစ်ယောက်ပြောတာ “အထဲမှာ သိပ် နှိပ်စက်ကလူ ရှိလှတယ် မဟုတ်ပါဘူး။” တဲ့။ “ဒါပေမယ့် သင်္ကြန်ရက်ကို ရောက်လို့ အင်းစိန်ထောင်ထဲကနေ ရေပက်ခံကားသံတွေ ကြားရတဲ့အခါ မျက်ရည်ကျမိတယ်” လို့ ဆိုတယ်။ တကယ်တော့ ကလေးသာသာ အရွယ်ကလေးတွေကို နိုင်ငံရေးပုဒ်မတပ်ပြီး ထင်သလိုထောင်ချသူ လူကြီးမင်းများဘက်က အသည်းမာနိုင်တာ အံ့သြစရာပ။ အိမ်ရဲ့ အညွန့်အဖူး တက္ကသိုလ်ကျောင်းသားကလေး အုတ်တံတိုင်းတွေ အနောက်ရောက်သွားတဲ့အခါ အပြင်လောကမှာ ကျန်ရစ်တဲ့ မိသားစုဘ၀မှာလည်း ကပြောင်းကပြန် လောကဓံအလှည့်အပြောင်းတွေကြောင့် လူတစ်ယောက်ရဲ့ဘ၀ဟာ အဲသလောက်ကို လျှင်လျှင်မြန်မြန် ဇောက်ထိုးမိုးမျှော် ပြောင်းလဲသွားနိုင်ပါကလား လို့လည်း ဘ၀သင်ခန်းစာတွေ ရခဲ့ပါတယ်။ ဇွန်လအရေးအခင်းတွေ ကျောင်းထဲမှာ ဆက်ဖြစ်တော့ သူတို့နှစ်ယောက် အပြင်တောင် ပြန်မရောက်သေးဘူး။ မတ်လနဲ့ ဇွန်လအကြားမှာ ကျောင်းပိတ်ထားလို့ အဆက်အစပ် ပြတ်သွားပေမယ့်လည်း ကျောင်းသားတွေရင်ထဲမှာ ဗလောင်ဆူနေတဲ့ အမုန်းမီးတောက်တွေက ငြိမ်းမသွားသေးဘူး။ ဒါကြောင့် ဖွန်လမှာ ကျောင်းပြန်ဖွင့်တဲ့အခါ ၈ ရက် ၈ လ ရောက်တဲ့အထိ မပြီးနိုင်မစီးနိုင် တားမရဆီးမနိုင် ဆက်ဖြစ်တာ။

ကျောင်းထဲမှာ ဖြစ်တဲ့ပွဲကို မြို့ထဲဘက်ကူးမလာအောင် နည်းမျိုးစုံနဲ့ ပိတ်ပင်တားဆီးထားပေမယ့်လည်း ၈.၈.၈၈ နေ့ကျရင် ဆူးလေမှာ လုပ်ကြမယ်ဆိုတဲ့ ကောလာဟလဟာ ရန်ကုန်တမြို့လုံး ပြန့်နှံနေတာ ကြာပါပြီ။ ရုတ်ရုတ်ရုတ်ရုတ်ဆိုတဲ့ စကားအတိုင်းပဲ ဟိုနားမတ်တတ် စုစုစုစု၊ သည်နားမတ်တတ် စုစုစုစုနဲ့ ဘယ်သူများ ဘယ်နေရာက စလိုက်မလဲလို့ စောင့်နေတဲ့သူတွေထဲမှာ ခြေချင်းလိမ်နေတဲ့ ထောက်လှမ်းရေးတွေတင်မကဘူး။ သူသူကိုယ်ကိုယ် အကုန်လုံး ပါနေတယ်။ ရွှေကြည်အေးဆိုတာက ကိုယ်တို့သူငယ်ချင်းတွေ စက်ကျနေကျ လက်ဘက်ရည်ဆိုင်ဖြစ်တော့ အဲဒီဆိုင်အရှေ့ကနေ ကောင်လေးတစ်ယောက် လိပ်ယူလာတဲ့အလံကလေးကို ၀ါးလုံးတိုင်ကလေးမှာ ကောက်ချည်ပြီး ဝှေ့ယမ်းလိုက်တော့ သူ့အနားမှာ လူတွေအုံလာရော။ သိတယ် မဟုတ်လား။ ကျောင်းထဲမှာ အော်နေကျမို့ ကျူနင်ဝင်နေပြီးသား ကီးမကြောင်ဘူး။ “ဒီမိုကရေစီ ရရှိရေး” ဆို ကောက်တိုင်ပြီး လမ်းလျှောက်သွားတော့ သူ့နောက်မှာ “တို့အရေး တို့အရေး” ဆိုပြီး လေးငါးဆယ်ယောက်လောက် ပါသွားရော။ ဆူးလေလမ်းကို တဘက်ကူးလိုက်တော့ ကျန်ခဲ့တဲ့ စပ်စုလိုသူတွေလည်း တကောက်ကောက်လိုက်သွားရင်းက လူလေးငါးဆယ်လောက် ဖြစ်လာတယ်။ အိမ်ပေါက်စေ့ထွက်ကြည့်ပြီး ၀မ်းသာအားရ လက်ခုပ်လက်ဝါးတွေတီးလို့ အားပေးကြတယ်။ လသာ လမ်းမတော် ကျော်လာတော့ ဆေးရုံကြီးကိုပတ်ပြီး ဗိုလ်ချုပ်လမ်းမပေါ်တက်လာတယ်။ သိမ်ဖြူလမ်းမှာ ကျန်းမာရေးရုံးကြီးဘေးကနေ ကန်တော်လေးဘက် တက်သွားပြန်ရော။ ရောက်ရာအရပ်မှာ နောက်ကလိုက်လိုက်လာတဲ့လူတွေနဲ့ လူစုလူဝေးကြီး ဖြစ်လာတယ်။ အမှန်အတိုင်းပြောရရင် အဲဒီနေ့က လမ်းမမှာထွက်အော်နေတဲ့သူတွေဟာ ကျောင်းထဲမှာလို ကျောင်းသားလူငယ်လူရွယ်တွေ အဲ့လောက်မပါဘူး။ အခြေအနေမဲ့ ဆင်းရဲသား၊ လမ်းဘေးမှာ ဈေးရောင်းနေတဲ့သူ စသည်ဖြင့် အရွယ်စုံပါတယ်။ ဒါပေမယ့် ကိုယ်လည်းပါတယ်။ ပါးစပ်က မအော်ပေမယ့် တကောက်ကောက်လိုက်ပြီး လမ်းလျှောက်နေတာ စိတ်ထဲမှာ ရည်ရွယ်ချက် တစ်ခုပဲ ရှိတယ်။ သည်လူတွေကို မြင်ရတဲ့သူတွေက စာနာနိုင်မလား။ ညှာတာနိုင်မလား။ အားပေးနိုင်မလား။ ကိုယ်ကတော့ အားပေးနေတယ်။ လေဖမ်းလမ်းလျှောက်ပြီး ပါးစပ်ကလေးကအော်နေရုံနဲ့တောင် အစိုးရအဖွဲ့ကြီးက ဆင်းမသွားဘူးဆိုတာ သံသယကို မရှိတာ။ လမ်းလျှောက်ရလွန်းလို့ ဘယ်လိုမှ ဆက်မလိုက်နိုင်တော့တဲ့အခါ ခြေကုန်လက်ပန်းကျပြီး အိမ်ပြန်လာတယ်။ အိမ်ကပြောတဲ့ “ခုနတုန်းက တို့အရေးတွေ လာအော်တာ လူအုပ်ကြီးမှ နည်းတာ မဟုတ်ဘူး။” ဆိုတာကို မသိချင်ယောင်ဆောင်ပြီး တအံ့တသြနဲ့ “ဟုတ်လား။” ဆို နားထောင်တယ်။ ဘယ်လေဒီယိုကမှ မလွှင့်ပေမယ့်လည်း ပါးစပ်သတင်းနဲ့ လူအုပ်ကြီး မြို့တော်ခန်းမရှေ့မှာ စခန်းချတယ် လို့ ကြားရတယ်။

ရေမိုးချိုး ထမင်းစား၊ အမောအပန်းဖြေပြီး ညဦးပိုင်း တစ်ခေါက်ပြန်ထွက်တော့ ဆူးလေဘုရား ပတ်ပတ်လည်မှာ လူအုပ်ကြီး ဟီးဟီးထနေပြီ။ တရားပွဲတွေ ဘာတွေတောင် ကောက်လုပ်လို့။ အင်းစိန်က၊ ရွှေပြည်သာက၊ လှိုင်သာယာကဆိုတဲ့ သမဂ္ဂတွေ ရောက်ရောက်လာလိုက်ကြတာ ဆိုက္ကားကြီးတွေနဲ့ ပျော်ပျော်ပါးပါးကြီး။ လက်ခုပ်တီးရလွန်းလို့ လက်ဖ၀ါးတွေ သွေးခြေအုမတတ်ပဲ။ ပြောတာတွေကလည်း လူအစုံစုံ စကားအစုံစုံ၊ မဟုတ်တာရော ဟုတ်တာရော ထင်ရာမြင်ရာ အကုန်။ အများအားဖြင့် အောက်ခြေလူတန်းစားအလွှာကလို့ အကဲခတ်မိတယ်။ (ကိုယ်လည်းပဲ အောက်ခြေထဲ ပါတယ်လို့ တွက်ထားတာနော်။) နိုင်ငံရေးသမားတွေက ၀င်မလာသေးဘူး။ အကဲခပ် စောင့်ကြည့်ဆဲ ထင်တယ်။ တနေကုန် လမ်းသလားထားလို့ ခြေကုန်လက်ပန်းကျနေပြီမို့ ဆယ်နာရီမထိုးခင် အိမ်ပြန်လာခဲ့တယ်။ ဒီလူတွေ ဒီည ဘယ်မှာများ အိပ်ကြမလို့ပါလိမ့် လို့ သူများအတွက်တောင် ပူပူပင်ပင် လိုက်တွေးနေမိသေး။ တကယ်တော့ ဘာပူစရာလိုလို့လဲ။ နိုင်ငံတော်က အကုန်စီစဉ်ထားပါတယ်။ အိမ်ရောက်လို့ အပူစင်အောင် ခြေထောက်လက်ထောက် ဆေးရုံရှိသေး၊ ၀ရုန်းသုန်းကား ဆူသံပွက်သံတွေ ကြားလိုက်ရတယ်။ သေနတ်သံတွေလို့ ဆိုတယ်။ အဲဒီက ပြေးလာတဲ့သူတွေ အိမ်ရှေ့ရောက်လာလို့ ကြားလိုက်ရတာက “ကျွန်တော်တို့ကို သေနတ်တွေနဲ့ ပစ်သတ်နေပါတယ်ဗျိုး။” လို့ အသံနက်ကြီး နဲ့ အော်သွားတာ။ ထွက်ပြေးလာတဲ့သူတွေဟာ ဘာဖြစ်လို့ မီးပွိုင့်ကလေးတွေကို မုန်းကြသလဲ မသိပါဘူး။ ရန်ကုန်တမြို့လုံး ဘယ်မီးပွိုင့်မှ အကောင်းမကျန်တာ။

အဖွားကတော့ ပြောတယ်။ “မနက် ဆန်ဝယ်ထားမှ ဖြစ်တော့မယ်။” တဲ့။ နောက်ရက်တွေမှာ ကျောင်းသားနဲ့ အစိုးရ အားစမ်းနေတာ မဟုတ်တော့ဘူး။ ပြည်သူ နဲ့ အစိုးရ ရန်စောင်နေတာ ဖြစ်သွားပြီ။ ဦးစိန်လွင်အစိုးရက အရေးပေါ်အခြေအနေ ကြေညာပြီး ကာဖျူးထုတ်ပလိုက်တယ်။ အစိုးရအဆောက်အဦတွေမှာ လုံခြုံရေးတပ်ခွဲတွေချထားတယ်။ သံဆူးကြိုးလိပ်ကြီးတွေ တင်ထားတဲ့ လုံ/ထိမ်းကားတွေ အဆက်မပြတ်လှည့်တယ်။ စစ်သားလေးတွေရဲ့ ပုခုံးပေါ်မှာ လည်စည်းအနီတွေ အပြာတွေ ဆင်လာပြီ။ လူတွေဘက်ကလည်း ဆန္ဒပြတယ် ဆိုတဲ့အလုပ်ကို လစ်ရင်လစ်သလို ကောက်ကာငင်ကာလုပ်၊ သုတ်ခြေတင်ပြေး လုပ်ကြတယ်။ လူတွေဘက်က ဒေါသထွက်နေသလို လုံခြုံရေးကင်းလှည့်နေတဲ့သူတွေဘက်ကလည်း ဒေါသတွေထွက်ကြတယ်။ အိမ်နားက ကျန်းမာရေးရုံးထောင့်မှာ အချုပ်ကားပေါ် လူ ၇၀ ကျော်တင်လို့ အကုန်သေကုန်တာကြောင့် နောက်တော့ ရဲမှူးကြီးတစ်ယောက် ပြုတ်သွားတယ်။ အဲဒီကားပေါ်ပါသွားတဲ့ အဖမ်းခံရသူတွေဟာ တကယ်တော့ ဆူပူ လှုံ့ဆော်သူတွေလည်း မဟုတ်ဘူး။ တို့အရေး အော်တဲ့သူတွေလည်း မဟုတ်ဘူး။ ဟိုလူတွေက ပြေးလိုက်တာတန်းလို့။ အမြီးတောင် မကျန်ခဲ့ဘူး။ အားလုံးအပြီးမှာ တစ်လှမ်းချင်းတက်လာတဲ့အဖွဲ့က မြောင်းထဲဆင်းပုန်းနေတဲ့သူတွေ၊ လှေကားပေါ်တက်ပြေး ပုန်းနေတဲ့သူတွေ သူတို့လာတော့ အေးဆေးဖြစ်သွားပြီဆိုပြီး ထွက်လာသမျှကို အကုန်ကောက်စိပြီး ကားပေါ်တင်ပလိုက်တာ။ ကြောက်လွန်းလို့ လှေကားထောင့်က ကွမ်းယာဆိုင်ကလေးထဲမှာ တံခါးပိတ်ပြီးပုန်းနေတဲ့ ကုလားလေးလည်း မဆီမဆိုင် ပါသွားတယ်။ ဒီအခြေအနေမျိုးမှာ ဘယ်သူမှ ငဖြူငမဲ မသဲကွဲတော့ဘူး မဟုတ်လား။

အဲဒီတုန်းက လူတွေ ဒေါသတကြီး ပြောလေ့ရှိတဲ့ စကားလုံးတွေက ကြမ်းတော့ ခပ်ကြမ်းကြမ်းပါလေ။ “စိန်လွင် ခြောက်တန်း တစောက်ကန်း သောက်ရမ်းလုပ်လိမ့်မည်။” တဲ့။ တကယ်ဆို သူက အဘိုးကြီး ကြိုးဆွဲရာ ကရတဲ့ ရုပ်သေးကလေးပါဆိုရင် ဘာဖြစ်လို့ သူ့ကို အပြစ်တင်ရတာလဲ။ တရားခံအစစ်က နောက်ကွယ်မှာ မဟုတ်ဘူးလား။ အပြင်ကလူတွေကို ငဖြူငမဲ မသဲကွဲတော့သလိုပဲ သူတို့အထက် တာဝတိန်သာမှာ ရှိကြတဲ့ နတ်မင်းကြီးတွေရဲ့ အရေးအရာတွေကလည်း အင်မတန်မှ ဝေေ၀၀ါးဝါးနဲ့ မသဲကွဲတော့ပါဘူး။ လမ်းမပေါ်မှာ အပ်တိုတစ်ချောင်းမပါပဲ “တို့အရေး တို့အရေး” လို့ အော်သွားတဲ့ အသံတွေကြားရင် အဲဒီအချိန်က ဆေးကျောင်းမှာ အလုပ်လုပ်နေရှာတဲ့ သမီးတော်ကလေးတစ်ပါးဟာ သူတို့ကို သတ်မယ့်လူတွေပါလား လို့ တွေးမိပြီး တုန်နေအောင် ကြောက်ရှာသတဲ့။ ဒါမျိုးကောလာဟလတွေကတော့ စက်တင်ဘာ အရေးအခင်းမှာလည်း ကြားခဲ့ဖူးပါတယ်။ လမ်းမပေါ်က အရှေ့အရပ်၌ရှိသော ကြားရင် မယ်မယ်ဘုရားက ကြောက်လွန်းလို့ ခြောက်လုံးပြူးကြီးထုတ်ချိန်ပြီး အခုချက်ခြင်း ပစ်မိန့်ပေးစမ်း လို့ ကာချုပ်ကြီးကို အမိန့်ပေးပါသတဲ့။ ယုတ္တိရှိချင်ရှိ မရှိချင်နေ။ လူတွေကလည်း ကိုယ်တိုင် မမြင်မကြားရပဲနဲ့ ထင်ရာမြင်ရာတွေကို ဖွဲ့ဖွဲ့နွဲ့နွဲ့ ပြောတတ်ရှာပေတယ်။ ဘယ်လိုပဲ ဖြစ်ဖြစ် ရှစ်လေးလုံးဂယက်ဟာ ဦးစိန်လွင်ကိုတော့ မယုံနိုင်လောက်အောင် တိုတောင်းစွာ နတ်သက်ကြွေစေခဲ့ပါတယ်။

အသစ်တက်လာတဲ့ ဦးမောင်မောင်ဟာ လူအများမျှော်လင့်ထားတဲ့ အရည်အချင်းတွေနဲ့ ခွင်ကျကွက်တိ ကိုက်ညီသားပဲ။ ပညာတတ်လည်း ပညာတတ်၊ ဥပဒေ နဲ့ နိုင်ငံရေးလည်း ကောင်းကောင်း နားလည်တယ်။ ပျော့ပျော့ပြောင်းပြောင်း လေချိုကလေးလည်း သွေးတတ်တယ်။ ဒါပေမယ့် နောက်ကျသွားပါပြီ။ ဒီပုတ်ထဲက ဘယ်ပဲမှ အလာမခံနိုင်တော့ဘူး။ စစ်အုပ်ချုပ်ရေး နဲ့ အရေးပေါ်အခြေအနေ ကြေငြာထားတဲ့ ကာလပျက်ကြီးထဲမှာပဲ အုပ်ချုပ်သူ နဲ့ အုပ်ချုပ်ခံ လူတန်းစားနှစ်ရပ်ရဲ့ တင်းမာမှုဟာ တစတစ ကြီးထွားလို့လာတယ်။ “ပြည်သူပြည်သားများ ခင်ဗျား..” တို့ “ ဒီမိုကရေစီ အဆောက်အဦကြီးကို ပျော်ပျော်ပါးပါးကြီး အုတ်မြစ်ချကြတာပေါ့။” တို့ ဆိုတဲ့ စကားတွေဟာ သမ္မတကိုယ်တိုင် တီဗီထဲက ပျက်ပြတဲ့ အရယ်ရဆုံး ပြက်လုံးတွေ ဖြစ်လာတယ်။ ရှေ့မှာ အများမြင်သာအောင် ခင်းကျင်းထားတဲ့ အကွက်တွေက ရိုးစင်းသလောက် နောက်ကွယ်ကနေ ကြိုးကိုင် ပုံဖော်နေတဲ့ အကွက်တွေဟာဖြင့် ထူးခြားဆန်းပြားလွန်းလို့ သည်ကနေ့ထိ ဘယ်နိုင်ငံသမိုင်းကြောင်းမှာ မှ ထပ်တူ မမြင်ဖူးခဲ့သေးသော မာယာ ၁၂ ကြိုးအတတ်တွေမို့ ကာယကံရှင်ကြီးတွေ ထုတ်မပြောရင် အရိပ်ရော အကောင်ရော မြင်နိုင်လိမ့်မယ် မဟုတ်ပါဘူး။ ကိုယ့်ဟာကိုယ် သရုပ်ပေါ်အောင် ရေးရမယ်ဆိုရင်တောင် တရုတ်သိုင်းဝတ္ထုထဲကလို “မည်သို့ လုပ်လိုက်သည်မသိ” သိုင်းကွက် ထုတ်သုံးရဦးမှာ။ ဘ၀တသက်တာမှာ သည်လို ထူးခြားဆန်းပြားတဲ့ နိုင်ငံရေးကစားကွက်တွေနဲ့ ကြုံခဲ့ကြောင်း နောင်လာနောက်သားတွေကို ပြန်ပြောပြရင် အားလုံး ပါးစပ်အဟောင်းသားကလေး နဲ့ ငေးကြည့်နေမယ် ထင်ပါရဲ့နော်။

(ဆက်ပါဦးမယ်)

credit to Dr Soe Min