HTOOSAN

လာလည်ကြတဲ့ မိတ်ဆွေများ အားလုံး ပျော်ရွှင်ချမ်းမြေ့ ကြပါစေ

Thursday, August 21, 2014

ရန်ကုန်ရောက် သရဲတစ်ကောင်၏ ဖွင့်ဟ၀န်ခံချက်

ရန်ကုန်ရောက် သရဲတစ်ကောင်၏ ဖွင့်ဟ၀န်ခံချက်
..........................................................................
ကျုပ်လား.. ကျုပ်က သရဲလေဗျာ... သရဲတောင်မှ ရိုးရိုးသရဲမဟုတ်ဘူးဗျ.. စီနီယာသရဲ
. ကျုပ်တို့လောကမှာကလည်း ခင်ဗျားတို့လူတွေဆီက အလုပ်တွေလို စီနီယာ ဂျူနီယာ ရှိသဗျ...။

ကျုပ် နှစ်ပေါင်းများစွာကျက်စားခဲ့တာကတော့ မြန်မာ့ဘုရင်ရဲ့ နောက်ဆုံးနေပြည်တော် မန္တလေးမြို့က ကြာနီကန်သင်္ချိုင်းပေါ့ဗျာ...။
အခုတော့ အဲ့သင်္ချိုင်းမှာ မနေရဲတော့လို့ ရန်ကုန်ကို ထရန်စဖာတင်ပြီး ပြောင်းလာတာဗျို့...။
တစ်ရွာမပြောင်း သရဲကောင်းမဖြစ် ဆိုရိုးစကားရှိသကိုး..။ ခက်တာက ရန်ကုန်ရောက်မှ သေချင်တဲ့ သရဲ....ရန်ကုန်ပြောင်း ဆိုသလို လာကြုံရတယ်ဗျာ..။

မန္တလေးက ပြောင်းလာရတာကလည်း ခင်ဗျားတို့လူတွေကြောင့်ပေါ့ဗျာ...။
ခင်ဗျား ဂျာနယ်တွေမှာဖတ်လိုက်ရမှာပေါ့.. ခင်ဗျားတို့ လူလူချင်း ဗမာ - ကုလား ဆိုလား ဘာလား ပဋိပက္ခဖြစ်တာနဲ့ မဆီမဆိုင် ကျုပ်တို့အပိုင်နယ်ဝင်ပြီး မီးရှို့ကြသဗျာ..။
ကျုပ်တို့မှာ ဝေမာနိကပြိတ္တာဘ၀ အနေဆင်းရဲ အစားဆင်းရဲပါတယ်ဆိုကာမှ ခင်ဗျားတို့က မီးလာရှို့တော့...ထမင်းထုတ်စားရတဲ့ ဒုက္ခိတသရဲတွေဘ၀ ရောက်တဲ့သူရောက်ကုန်တာပေါ့..။

ခင်ဗျားတို့ရှို့တာက ကုလားသင်္ချိုင်း ဆိုပေမယ့် ကျုပ်တို့လောကမှာက ကုလားရယ်၊ တရုတ်ရယ်၊ ဗမာရယ်မရှိဘူးဗျ... သေပြီးရင်တော့ အကုန်မသာဖြစ်ပြီးမှ သရဲဘ၀ ရတဲ့လူတွေချည်းပဲ..။

ဒီကြားထဲ ကျုပ်တို့လောကမှာက သရဲဦးရေပေါက်ကွဲမှုတွေက ရှိနေသော နေရာထိုင်ခင်းက ကြပ်သဗျ... ဒီတော့ ဘာသင်္ချိုင်းညာသင်္ချိုင်းရယ် ခွဲမနေတော့ဘူး...ဘာသာရေးလည်းခွဲမနေတော့ဘူး...ဘယ်နှယ် အကုန်လုံး လူ့ဘ၀က စောက်ကျင့်မကောင်းလို့ သရဲလာဖြစ်ပါတယ်ဆိုနေမှာ ဘာသာစွဲ လူမျိုးစွဲထားနေရင် ဟာသကြီးဖြစ်နေမှာပေါ့ဗျာ...။

ကဲပါ ထားတော့..
ကျွန်တော်ပြောချင်တာက ခင်ဗျားတို့ ရန်ကုန်မြို့အကြောင်း...။
ကျုပ် ရန်ကုန်ကို ခြေချချခြင်း အနေချောင်မဲ့နေရာလိုက်ရှာသဗျ..။ သရဲဆိုတာလည်း ညမှ ထွက်ရတာကိုး..။
ည ၉ နာရီလောက် ရန်ကုန်မြို့နာမည်ကြီး သင်္ချိုင်း ရေဝေးကို ရောက်သွားသဗျ..။
အောင်မယ် ခမ်းနားလိုက်တာဗျ.. မီးခိုးခေါင်းတိုင်ကြီးတွေနဲ့ အဆောက်အဦအခန်းတွေကလည်း အများကြီး...။
ခက်တာက ည ၉ နာရီကျော်အထိ ခင်ဗျားတို့ ရေဝေးကလည်း လူမပျက်သေးဘဲကိုးဗျ..။
လူတွေက ရုတ်စုရုတ်စုနဲ့ သင်္ချိုင်းကုန်းနဲ့တောင်မတူဘူး.. ကျုပ်မှာ ဒီနေရာတော့ ငါ ခြောက်လည်းကြောက်မယ့်ဟန်မတူဘူးဆိုပြီး ပြန်လစ်ခဲ့ရတယ်..။

အောင်မယ်...ဒါနဲ့ ရန်ကုန်ဆေးရုံကြီး ရင်ခွဲရုံနားမှာများ ဆို သရဲခြောက်စားလို့ အဆင်ပြေမလားဆိုပြီး သွားလိုက်ပါတယ်..။

စတွေ့တာပဲဗျို့..။
ဆေးရုံကြီး ရင်ခွဲရုံဆိုတာ မှောင်ကုပ်ကုပ် မီးရောင်ဖျော့ဖျော့အဆောက်အဦမျိုး ဖြစ်ရမှာ မဟုတ်လား..။

ဘယ်ဟုတ်လိမ့်မတုန်းဗျာ... ခင်ဗျားတို့လူတွေပြောနေတဲ့ နေပြည်တော်ဆိုတာကြီးလို မီးတွေမှ ထိန်လင်းနေတာပဲ..။
အို မီးထိန်လင်းလဲ ဘာဖြစ်လဲ... လင်းလင်းထင်းထင်းသရဲခြောက်စားလို့ရတာပေါ့ဆိုပြီး ရင်ခွဲရုံနား အသာကပ်လျက်နေ မိတာ..။

ဟော့ လာပါပြီ တကျွီကျွီတွန်းလှည်းနဲ့ မသာတစ်လောင်း..။
မသာအလောင်းဘေးမှာ မသာရှင်တွေက မျက်လုံးလေးပေကလပ်ပေကလပ်ပါလာသဗျ..။
လှည်းတွန်းလာတာကတော့ ဆံပင်ကောက်ကောက်နဲ့ ကုလားတစ်ယောက်ဗျ..။

ရင်ခွဲရုံရှေ့ ရောက်တော့ ဘယ်ကဘယ်လိုပေါ်လာမှန်းမသိတဲ့ လူနှစ်ယောက်ထွက်လာကျတယ်....။

လှည်းတွန်းလာတဲ့ လူနဲ့ အဲ့ဒီလူနှစ်ယောက်က မသာရှင်တွေနဲ့ စကားပြောတယ်..။
ပိုက်ဆံတောင်းတာဗျ... ငွေကြေးကိန်းဂဏန်းတစ်ခုပဲ..။

"ပြန်သယ်သွားချင်ယင်တော့ ဒီကြေးပဲ.. ဒီညအပြီးရင်ခွဲပေးရမှာ...အလုပ်ရှုပ်တယ်.. မတတ်နိုင်ရင်တော့.. ဒီတိုင်းသာထားခဲ့..နောက်နေ့မှ ခင်ဗျားတို့လာခဲ့တော့"

မသာရှင်နှစ်ယောက်မှာလည်း သူတို့အိပ်ကပ်ကိုကြည့်လိုက် စောင်နဲ့ထုတ်ထားတဲ့ မသာကိုကြည့်လိုက် ..ရင်ခွဲပေးမယ့် လူနှစ်ယောက်ကို ကြည့်လိုက်နဲ့... နောက်ဆုံး သူတို့အိပ်ကပ်ထဲက ပိုက်ဆံတွေ..ကိုကုလားတို့ အိပ်ကပ်ထဲရောက်ကုန်တော့တယ်.။

ဒီတော့မှ တွန်းလှည်းပေါ်က ဆန့်ဆန့်ကြီးနဲ့ ခန့်ခန့်ကြီးခမျာ ရင်ခွဲရုံထဲ တွန်းသွင်း ခံရသဗျာ..။

အော် ခင်ဗျားတို့လူတွေများ... မွေးစကနေ သေတဲ့အထိ လာဘ်ပေးလဘ်ယူတွေနဲ့ ညိုနှိုင်းနေရသကိုးဗျ..ခက်တယ်...။

ဟော့ဗျာ..နောက်ထပ် တစ်လောင်းပြီးတစ်လောင်းထပ်လာသဗျ..။
ရင်ခွဲမယ့် ဆရာသမားတွေနဲ့ မသာရှင်မိသားစုတွေ ညိုကြ နှိုင်းကြ.... ငွေစကားပြောကြနဲ့ ကျုပ်ဖြင့် ငါရောက်နေတာ ရင်ခွဲရုံလား.. ပွဲစားတန်းလားလို့တောင် မကွဲပြားတော့ဘူး..။

တော်ပါပြီဗျာ ဒီနေရာမျိုး သရဲခြောက်စားလို့ကတော့ ကိုယ့်ဆီကပါ ငွေညှစ်ခံနေရမယ်..။

ကဲ..ဒီတော့ ရန်ကုန်မြို့ထဲ လူပြတ်တဲ့ လမ်းတစ်ခုခုမှာပဲ အခြေချပြီး ခြောက်တော့မယ်ဆိုပြီး ကျုပ်လည်း လမ်းပေါ်ထွက်ခဲ့သဗျ...။

ခင်ဗျားတို့ ရန်ကုန်ကလည်းဗျာ ည၁၂ နာရီနီးပါးရှိတာတောင် ကားတွေက တ၀ီဝီရယ်ဗျ..။

တစ်နေရာရောက်တော့ အမျိုးသမီးနှစ်ယောက်မတ်တပ်ရပ်နေတာတွေ့တာနဲ့.. ငါတော့ ဈေးဦးပေါက် ခြောက်ရပြီဆိုပြီး ၀မ်းသားအားရ သွားလိုက်တာ..။

အားပါး..ကျုပ်မှာ အံသြလွန်းလို့ဗျို့....။

လူတွေကသာ မိန်းကလေး စကားပြောတော့ ယောင်္ကျားသံကြီးတွေနဲ့...
ဘာတဲ့" ဒီည ဒေါ်မြုတ်ရတာ ဖီးလ်မလာပါဘူးအေ... သူငယ်တွေကလည်း ရှားလိုက်တာ... အိုဘာဖြစ်ဖြစ် အနားကပ်လာရင် ဆွဲစားရမှာပဲ.." တဲ့..။

ဘယ်နှယ့်ပါလိမ့်... သရဲလုပ်လာတဲ့ သက်တမ်းတစ်လျှောက် အနားကပ်ရင်စွဲစားမယ်ဆိုတဲ့ ယောင်္ကျားသံနဲ့မိန်းမတွေ အခုမှမြင်ဖူးတယ်..။
အနားကပ်သမျှ ဆွဲစားမယ်ဆိုတော့ ဒါ သရဲထက်မြင့်တဲ့ ဘီလူးဆိုတာတွေဖြစ်မယ် ဆိုပြီးကျုပ်ဖြင့် ဝေးဝေးက ပြေးခဲ့ရသဗျာ..။

ဒါနဲ့ ရှေ့ဆက်လျှောက်လာတော့..အောင်မယ် လူငယ်လေး သုံးယောက်ဗျ ပလက်ဖောင်းအလယ်မှာ ငုတ်တုတ်ထိုင်ပြီး ခေါင်းတွေကလည်း အောက်ကို သဲကြီးမဲကြီးငုံကြည့်နေကြသဗျ...။

ဒီတစ်ခါတာ့ တကယ် ခြောက်ရပြီဟ ဆိုပြီး အပုတ်နံ့ပေးလိုက်ပါတယ်... အောင်မယ် သူတို့က အပုပ်နံ့ကို ဘာမှမဖြစ်သလိုပဲ တခွိခွိနဲ့ဗျ...

"ဟေ့ကောင် ငါ ပုသိမ်ဂျီတီစီလင့်ခ်ရပြီ...ရော့ရော့"
"အေးကွာ ပိုက်ဆံကုန်လို့ ၀ိုင်ဖိုင်မိတဲ့နေရာလာပါတယ်ဆိုမှ လိုင်းမကောင်းဘူး"
"အရေးထဲ ဘယ်ခွေးလွင်ခွေးလွင့်လာသေပြီး ပုတ်နေလဲမသိဘူ နံတာကွာ"
"ဟိတ်ကောင်..ဒီမှာ..ဒီမှာ...မင်းလိုချင်တယ်ဆိုတဲ့ သဇင် အပိုင်း(၄)ပိုင်း"
ဒီငနဲတွေရှေ့မှာ အကောင်အထည်ကြီးသွားပြလဲ သူတို့ပြောနေတဲ့ သဇင်တို့ ပုသိမ်ဂျီတီစီတို့လောက် စိတ်မ၀င်စားလို့ ကျုပ်ကို မော့ကြည့်မှာတောင် မဟုတ်ဘူး..။

ခက်သဗျာ..ရန်ကုန်မှာ သရဲဖြစ်ရတာ တော်တော်မျက်နှာငယ်တာပဲ..။

ဒါနဲ့စိတ်ပေါက်ပေါက်နဲ့ဆက်လျှောက်လာလိုက်တာ.ဟော့ဗျာ...ရှေ့မှာလည်း လက်ဘက်ရည်ဆိုင်တွေ..ကွမ်းယာဆိုင်တွေနဲ့.... အမှိုက်ပုံနားကားရပ်ပြီး သီချင်းတကြော်ကြော်နဲ့ အမှိုက်တင်နေတဲံလူတွေနဲ့..။
စိတ်ညစ်တယ်ဗျာ..ခင်ဗျားတို့ ရန်ကုန်ကလူတွေ ညရောအိပ်ကျရဲ့လား..။
ဒါမှမဟုတ် ကျုပ်ပဲ သရဲစံတော်ချိန်မှားထွက်လာတာလား.... ဒီလောက်လူတွေများနေတာ ကျုပ်မှာ ဘယ်လိုခြောက်ရမလဲ...။

ကဲ...ကားလမ်းက လူမျာတာထားတော့.. ရထားသံလမ်းဆိုရင်တော့ ငါခြောက်လို့ အဆင်ပြေတယ်ဆိုပြီး ရထားသံလမ်းဘက်ထွက်လာသဗျ..။

ကမာရွတ်ဘူတာဆိုတဲ့ မီးမှိန်မှိန်ဘူတာလေးထဲကနေ သံလမ်းအတိုင်း တွေ့တဲ့သူ ခြောက်မဟဲ့ဆိုပြီး သွားတော့မှ ဒုက္ခရောက်တော့တာပဲဗျာ..။

မရိုသေ့စကားဗျာ...
သံလမ်းကို ခေါင်းအုံး... မြေကဗ္ပလာကို မွေ့ယာအမှတ်နဲ့ တစ်ယောက်မျက်နှာ တစ်ယောက်ငေးရင်း ချစ်ရည်လူးနေတဲ့ ခင်ဗျားတို့လူစုံတွဲတွေလေ...

အောင်မလေးဗျာ.. ညကြီးအချိန်မတော်... ရထားသံလမ်းကို တည်းခိုခန်းများ မှတ်နေလားမသိဘူး.. ကျုပ်ဖြင့် အံသြမိသဗျ...။

အဲ့ဒီအတွဲကိုကျော်လာတော့....ရထားသံလမ်းဘေးမှာ လူငယ်အုပ်စုလိုက်ကြီး အရက်ထိုင်သောက်နေသဗျ.. ဒါလဲခြောက်လို့မဖြစ်သေးဘူးဆိုပြီး ဆက်လာလိုက်တာ...

ဟားရှေ့မှာ လူတစ်ယောက်တည်း သံလမ်းပေါ် ကုန်းကုန်း ကွကွ နဲ့ ငါတော့ ခြောက်ပြီဆိုပြီး ၀မ်းသာအားရအနားကပ်သွားတာ...။

ထွီ....သံလမ်းပေါ် ချီးတက်ပါနေတယ်ဗျာ...ရွံတာ
ကျုပ်ကလည်း လူဘ၀ကတည်းက အသန့်အပြန့်ကြိုက်တဲ့သရဲ.... ဒီလိုမျိုး ဆို ရွံတယ်ဗျ..။

ဒီ ငနဲကို ကျော်ပြီး ရထားလမ်းအတိုင်းလျှောက်လာလိုက်ကာမှ ပိုစိတ်ညစ်ရသဗျို့..။

သံလမ်းပေါ်မှာ ပုံစံအမျိုးမျိုးနဲ့ ချီးပုံတွေဗျာ...ခင်ဗျားတို့ လူတွေ တော်တော်ညစ်ပတ်တာပဲဗျ...
ကျုပ်မှာ သရဲ တန်မဲ့ ရှောင်ကွင်းသွားလိုက်ရတာ....။

ဟိုရှေးက မီးမှိတ်တုတ်ဘူတာလေးမှာတော့ အသံနည်းနည်းကြားလို့ ခြောက်မဟေ့ဆိုပြီး သွားတာ..

မိန်းမတစ်ယောက်နဲ့ ယောင်္ကျားသုံးယောက်ဗျ...။

ဘယ်လိုခြောက်ရမလဲစဉ်းစားနေတုန်း... မိန်မဆီက အော်ဟစ်ဆဲသံတွေ ကြားရသဗျို့

"နင်တို့ ခေါ်တုန်းက နှစ်ယောက်တည်းဆို..အခုသုံးယောက်တောင်.. ငါ့ ငါးထောင် ထပ်ပေး..မပေးလို့ကတော့ သူတောင်းစားတွေ ရပ်ကွက်ထဲအထိ စောက်ရှက်လိုက်ခွဲဖြစ်မယ်... ဖာကောင်း..သူတောင်းစား"

အာဗျာ စုံလို့ပါပဲ.... ကျုပ်သရဲသွားခြောက်ရင်တောင် မအ၀ှာက ထမိန်နဲ့အုပ်ပြီးနပန်းလုံးမယ့်သဘောဗျ...။

တောက်ခ်...............ဟိုးမှာ မိုးတောင်လင်းပြီဗျာ...

ဒီဘူတာကပဲ မန္တလေးရထားစောင့်ပြီး မန္တလေးပြန်လိုက်သွားတော့မယ်...။

ခင်ဗျားတို့ ရန်ကုန်မှာ သရဲခြောက်စားရတာ တယ်မျက်နှာငယ်သကိုးဗျ...။

လူတွေကိုယ်တိုင် ညမအိပ်တဲ့ သရဲတွေဖြစ်နေကြမှပဲ.... ကျုပ်တို့အတွက် ဘယ်နေရာရှိမလဲဗျာ..။

တော်ပြီ...တော်ပြီ.....ကြာနီကန်မှာပဲ မီးလောင်လောင် မီးရှိုရှို့ပြန်တော့မယ်ဗျာ..။

ရန်ကုန်ကို စိတ်နာတယ်...။

ဗြိတိသျှကိုကိုမောင်

သရဲ သဘက် ဘီလူး အစရှိသော ပေတ မှတ်တမ်းများ


Posted via Blogaway

No comments:

Post a Comment